  |
|
| Eftirfarandi efni er ætlað að gefa grundvallar upplýsingar
um KDE fyrir þá sem ekki hafa kynnst því áður,
bæði um umhverfið sjálft og um verkefnið í
heild. Þessar upplýsingar ættu að gefa smá
hugmynd um flest það sem tengist KDE þannig að notandinn
fái góða yfirsýn yfir allt verkefnið.
Ef þig vantar frekari upplýsingar þá inniheldur
KDE
FAQ vefsíðan tíðustu spurningar og svör,
en á ensku enn sem komið er.
Þú getur einnig skoðað glærukynninguna (á ensku) um KDE umhverfið, smíði KDE og uppbyggingu þess. Einnig væri vit í því að líta á bæði KDE skjámyndirnar og hinn ört vaxandi KOffice-skrifstofuvöndul sem segja má að sé síðasta skrefið í að gera KDE að heildarlausn fyrir hinn almenna tölvunotanda. Hvað er KDE ?KDE er nútíma skjáborðsumhverfi fyrir UNIX einkatölvur. KDE leitast við að fullnægja þörfinni á auðveldu, myndrænu skjáborði sem bera má saman við skjáumhverfi MacOS og Windows 95/98/NT. Það er okkar álit að UNIX sé núna ákjósanlegasta stýrikerfið sem fáanlegt er fyrir almenna notendur. Reyndar hefur UNIX til margra ára verið vinsælasta stýrikerfið meðal vísindamanna og fagmanna í upplýsingatækni. Ástæðan er einstakur stöðugleiki, sveigjanleiki og opin hönnun UNIX sem á sér enga samkeppni á þessu sviði. Hinsvegar hefur skortur á þægilegu myndrænu skjáborðsumhverfi hindrað velgengni UNIX meðal almennra notenda á heimilum og skrifstofum. UNIX hefur verið mest notað sem netstýrikerfi (þjónn/miðill) og má finna það í flestum háskólum og vísindastofnunum. Án UNIX væri Netið heldur ekki til staðar í dag. En UNIX hefur hinsvegar ekki sinnt þörfum hins almenna notanda og er það miður því all nokkrar útgáfur af UNIX ( Linux, FreeBSD, NetBSD o.fl.) eru fáanlegar ókeypis á Netinu. Allar eru þær í hæsta gæðaflokki.KDE SkjáborðsumhverfiðMeð tilkomu KDE er til staðar skjáborðsumhverfi fyrir UNIX sem auðvelt er í notkun. Tilvist Linux sér til þess að þetta skjáborðsumhverfi er að öllu leyti frítt og opið. Það þýðir að forritstextinn sjálfur er opinn öllum að skoða, laga, eða breyta. Þó það sé alltaf hægt að gera betur, þá er augljóst mál að hér er komið umhverfi sem stendur jafnfætis öðrum skjáborðum/stýrikerfum á markaðnum, þó svo að fyrir þau kerfi séu borgaðir miklir peningar. Það er von okkar að þetta sambland UNIX og KDE muni loksins færa hinum almenna notanda það opna, öfluga og einokunarlausa tölvuumhverfi sem vísindamenn og fagmenn um allan heim hafa fengið að njóta árum saman.Forritasmíði í KDE - SamsetningatækninSmíði forrita fyrir UNIX/X11 umhverfi var áður fyrr mjög langdregið verkefni. KDE þróaðist með það í huga að stýrikerfi eða skjáborðsumhverfi sé aðeins notað ef hágæða forrit eru til fyrir það. Í ljósi þess, smíðaði KDE hópurinn sína eigin fyrsta flokks samsetningartækni til forritasmíði með hjálp nýjustu framfara á þessu sviði. Þannig stillti KDE sér upp í beinni samkeppni við aðrar vinsælar tækninýjungar svo sem MFC/COM/ActiveX frá Microsoft. KOM/Openparts tækni KDE gerir forriturum auðvelt með að smíða hátækniforrit á fljótan og öruggan hátt. KOM/Openparts tæknin er byggð á opnum stöðlum, svo sem CORBA 2.0KDE SkrifstofuvöndullinnMeð tilkomu KDE umhverfisins hafa mörg góð forrit verið skrifuð. Aðeins nokkur þeirra hafa verið valin sem fulltrúar og fylgja þau grunnpakka KDE. Smíði á skrifstofuvöndli stendur yfir og er hann byggður á KOM/Openparts tækni KDE. Skrifstofuvöndullinn inniheldur ritvinnsluforrit, töflureikni, glæruforrit, skipuleggjara, póstforrit, fréttahópaforrit o.fl. Þó sum af þessum forritum séu enn á frumstigi, þá eru önnur óðum að nálgast lokastig. KPresenter, glæruforrit KDE, var til dæmis notað við ræðuhöld með góðum árangri á hinni 5. árlegu Linux Congress ráðstefnu í Köln í Þýskalandi. Kynntu þér KOffice skrifstofuvöndulinn .Hér eru nánari upplýsingar (á ensku) um KDE:
|