Ef þú ert ekki með Linux þá þarftu það fyrst.  Best er að kaupa eintak á geisladisk en einnig er hægt að sækja hvaða dreifingu sem er af Linux yfir Netið.  Ein slík er t.d. fáanleg á ftp miðlara Margmiðlunar. (Ath. Höfundarrétturinn leyfir slíkt).  Hugsanlega getur einhver líka brennt fyrir þig geisladisk með dreifingunni á og aðstoðað þig við uppsetningu. Þú gætir prófað að spyrjast fyrir á póstlista KDEverkefnisins. Það vill svo skemmtilega til að Bjarni R. Einarssonselur geisladiska með Linux og KDE, útgáfu 1.1 fyrir 500 kr. stykkið. Síðan getur þú sótt nýjar útgáfur af skráarþjóni KDE þegar þú þarft orðið að uppfæra til að fá nýjustu forritin. 

Sjálf innsetningin á Linux fer eftir þeim aðstæðum sem þú hefur.  Við skulum gera ráð fyrir að þú hafir fengið Linux á geisladisk og ætlir að: 

• Setja Linux á PC tölvu með 1 harðann disk og Win95/98/NT.
• Setja Linux á PC tölvu með 2 harða diska og Win95/98/NT á öðrum þeirra.
• Setja Linux á PC tölvu út af fyrir sig.
• Setja Linux á Machintosh tölvu (væntanlegt í febrúar).

Richard Allen hefur hinsvegar verið að kenna innsetningu á Linux hjá Opnum Kerfum.  Hann er að setja saman íslenskt námskeið um innsetningu á Redhat Linux (með nokkra síðna inngangi).  Ef það dugar ekki, þá er á netinu ágætis Linux námskeið á ensku. 
 

Og svo KDE  (á Red Hat Linux 5.2) 

Þegar Linux er komið inn og X rekillinn er í lagi (startx skipunin birtir gluggaumhverfi), þá er röðin komin að því að setja inn KDE. 

Vonandi hefur þú fengið í eintök af þeim skrám sem þarf en annars getur þú sótt þær af skráarþjóni Margmiðlunareða skráarþjóni KDE.  Grunnpakkinn (án KOffice) er rétt rúm 20 MB (afþjappast í rúm 40 MB). 

Fyrst þarftu að setja inn eftirfarandi skrár (í þessari röð): 

1. Qt safnið    (þarft ekki Qt-devel nema þú ætlir að vistþýða kóða)
2. kdesupport
3. kdelibs
4. kdebase

Ef um er að ræða RPM skrá: 
$ cd /mappan/með/kde/skránum 
$ rpm -Uvh qt-1_42-1rh51_i386.rpm 

Ef um er að ræða GZIP þjappaða TAR skrá (Tjörubolta): 
$ cd /mappan/með/kde/skránum 
$ tar xvfz qt-1_42-1rh51_i386.tar.gz 

Ef skráin endar ekki á '.gz' þá sleppir þú bara zetunni í 'xvfz'.  Þetta endurtekur þú síðan fyrir alla pakkana sem þú vilt fá.  Það skiptir ekki máli í hvaða röð hinir eru settir inn. 
 

Hafa KDE sem sjálfgefið gluggaumhverfi 

Ef þú vilt að KDE (en ekki hvað?) birtist þegar þú gefur  startx  skipunina, þá þarftu að stimpla inn: 

$ /opt/kde/bin/usekde root  

þar sem root er notandanafn þess notanda sem vill hafa KDE sjálfgefið (t.d. root sjálf(ur)). 
Til að afturkalla þetta geturðu skoðað skrána 
 .Xclients á heimasvæðinu þínu og tekið út tilvísunina í KDE. 
 

Keyra beint inn í KDE þegar kveikt er á tölvunni 

Sumir vilja keyra beint inn í myndrænt umhverfi þegar þeir ræsa Linux (ekkert skipanalínuvesen) og það er gert svona: 

$ /opt/kde/bin/kdm_on                  (kdm_off  afturkallar þetta) 
Þetta gerir einfaldlega smá breytingar á uppsetningarskráunum 
 /etc/inittab       og 
  /etc/X11/xdm/Xsetup_0 
 

Og að lokum 

Stimplaðu þig núna út 

$ logout 

Síðan aftur inn og keyrðu KDE með 

$ startx 

Og þá sérðu vonandi K Skjáborðið ! 
 

Íslensk forrit - Íslenskir stafir 

Íslenskuð KDE forrit færðu fram með því að fara í 
KDE Control Center - Desktop - Languages 
og velja íslenska fánann undir First valmyndinni (sem sagt, fyrsta tungumálið).  Best er að hafa tungumál númer tvö og þrjú sem "Default" (sjálfgefið) þannig að ef viðkomandi forrit hefur ekki verið þýtt yfir á íslensku þá birtist það samt án vandræða.  Auðvitað getur þú líka prófað að nota forritin á norsku, þýsku eða jafnvel esperanto, ef þú ert tungumálasnillingur !  Hafðu samt í huga að sumir þýðingarhópar voru ekki eins duglegir og við í íslenska KDE hópnum :-) 

Nú vantar þig bara íslensku stafina.  Ekkert mál!  Hrafnkell hefur allar upplýsingar sem þú þarft til að setja íslensku stafina inn.  En hér er stutt lýsing. 

Þú bætir einfaldlega is skránni við í 
/usr/X11R6/lib/X11/xkb/symbols/ 
möppunni og breytir síðan "Keyboard" hlutanum í 
/etc/X11/XF86Config   skjástilliskránni  (eða  /etc/XF86Config )  þannig að þú hafir eftirfarandi þar 

XkbLayout   "is" 
XkbSymbols  "is(pc101)" 
 

Hjálpin er ekki fjarri 

Ef eitthvað kemur upp á hjá þér og þér tekst ekki að setja inn KDE þá eru ýmsar leiðir til að fá aðstoð.  KDE verkefnið er með nokkra póstlista fyrir notendur um allan heim og sá hjálplegasti fyrir byrjendur er án efa: 

• kde-user - Notendur hjálpa hvor öðrum (fer fram á ensku)

Eldri umræður má finna safnvistaðar á KDE síðunni. 

Íslenskir KDE notendur: